Bilbo
Euskalduna Jauregiko bostgarren solairuan kokatua, ENEKO Bilbao jatetxeak zuzeneko sarbidea dauka igogailu panoramikotik, txartel-leihatilaren ondoan.
Bilbo
2018ko Europako hiri onena aukeratua, industrializazio bizi bat esperimentatu zuen XIX. mende osoan eta XX. mende hasieran zehar.
Urteen iragatearekin, hiribilduak berritu egin du bere azal industriala eta birgaitu egin ditu bere gune enblematikoak, zerbitzuen, turismoaren, kulturaren eta negozioen ikono bilakatzeko. Horretarako, Guggenheim Museoa eta Euskalduna Kongresu eta Musika Jauregia bezalako eraikin entzutetsuen obrak gauzatu ziren.
Bilbok, bere hirigintza-eraldatzeari, ingurumenaren eraldatzea ere gehitu dio, hiribilduaren bihotz eta komunikazio- eta merkataritza-ardatz den itsasadarraren berreskuratzearen bitartez.
Euskalduna Jauregia
Bilboko Euskalduna Kongresu eta Musika Jauregia hiriaren erdigunean dago kokatua, Loiuko nazioarteko aireportutik oso gertu.
1999ko otsailaren 19an inauguratu zen; Federico Soriano eta Dolores Palacios arkitektoek, proiektuaren erantzule, aurreko hamarkadetan espazio hau betetzen zuen Euskalduna ontziola zaharrean eraikitako azken ontziaren sinbolo gisa irudikatu zuten egungo eraikina. Beirak, aluminioak eta harriak osatzen dute tokia, jada Bilboren modernizazioaren sinbolo bilakatua, eta hiriak XXI. mendean egin duen sarreraren ikono.